ايمان مصطفي تكتب ..التلعثم أو التهتهه عند الاطفال والكبار
ايمان مصطفي تكتب ..التلعثم أو التهتهه عند الاطفال والكبار
بقلم .. ايمان مصطفياولا ما هو التلعثم
التلعثم أو التهتهه مش مرض بيحتاج لعلاج هو اضطراب بيصيب الاطفال و الكبار
طب ايه هو التلعثم هو مشكله في جودة الكلام وإدراك الكلام
أو معني تاني
هو عدم الانسيابية في الكلام
لذلك دكاترة التخاطب بيشتغلو علي إدراك الكلام مثلا امتي الشخص يسرع في الكلام وامتي يبطئ في الكلام وامتي ميتكلمش وياخد نفس
أنواع التلعثم أو التهتهه
٣انواع
الاول التلعثم التوقفي
بمعني لما الطفل ينطق كلمة لازم يقسمها نصين يقول مقطع ويقف وبعدين يكمل المقطع الثاني مثل كلمة (بطة)هيقول( باااا )ويقف وبعدين يكمل (طة)
النوع الثاني التلعثم الطويل
بمعني أن الطفل أو الشخص بيطول فى الصوت( باااااااااااااااطة)
النوع الثالث تلعثم تكراري
بمعني لما الطفل ينطق كلمة بطة هيقولها (بطة بطة بطة) أو( ب ب ب بطة)
اسباب التلعثم أو التهتهه عند الاطفال والكبار
ثلاث اسباب
الاول اسباب عضوية
وهي أسباب خاصة بالضعف الوراثي في الجهاز التنفسي وجهاز الكلام والجهاز العصبى والجهاز السمعي الي بيخلي الأشخاص يدركون الكلام بشكل خاطئ.لان الفص الايسر من المخ هو المسؤال عن الكلام فأي إصابة فيه بتأثر على الكلام..
الثاني اسباب نفسية و بيئية.
وهو تعرض الأشخاص الذين يعانون من التلعثم للتنمر من أصحابه والقرايب أيضا ودة بيزود التلعثم بسبب الخوف والقلق والتوتر النفسي..
ثالث سبب اسباب لغوية.
وهو بسبب ضعف الحصيلة اللغوية عند الاطفال ودة بيخلي الطفل معندوش طلاقه في الكلام فده هيسبب للطفل تلعثم في الكلام.
*علاج التلعثم أو التهتهه*
من خلال حاجتين
الاول العلاج النفسي
والثاني العلاج الكلامي
الاول العلاج النفسي من خلال البيت
-وهي تجاهل كلام الشخص المتلعثم أثناء الكلام وعدم لفت انتباهه للتهته التي تحدث لديه وايضا عدم تصليح الكلام لدى الشخص المتلعثم .
عدم تعرض الشخص أو الطفل للتوتر و القلق والخوف وعدم مقاطعة الشخص المتلعثم أثناء الكلام.
العلاج الثاني وهوا العلاج الكلامي
من خلال دكاترة التخاطب لان اول حاجه نعملها مع الأشخاص وهو الاسترخاء الكلامي وايضا تمارين لتعليم الكلام من جديد وايضا تمارين الكلام الايقاعي وايضا تمارين الدقات الصوتية وتمارين التنفس البطني وإعادة هيكلة الكلام والتشكيل والاطالة
*ما هو العمر الطبيعي للتهتهة أو التأتأة عند الاطفال...*
العمر الطبيعي للتهتهة عند الاطفال من سن (٣الي ٥)سنين تعتبر تهتهته طبيعية
وبتيجي لنوعين من الأطفال
اول نوع اطفال فصيحة الكلام وهما الاطفال الي اكتسبوا اللغة في سن صغير اوي وعندهم حصيلة لغوية كبيرة اوي
فبالتالي بيحصلهم تهتهتة في الكلام
أما النوع الثاني وهما الاطفال الي عندهم تأخر لغوي أو تأخر في الكلام ممكن يحصلهم تهتهتة لأن هما اكتسبوا اللغة متأخر عن سنهم الطبيعي
لذلك الاطفال في هذا السن من( ٥:٣) سنوات بتعتبر تهتهته طبيعية ومش بتحتاج لاي تتدخل من اي دكتور او اخصائي تخاطب ..
*المظاهر التي تظهر على الأشخاص و الاطفال المتلعثمه**
*ممكن يصاحب الشخص المتلعثم أثناء التهتهه تغميض العين أو حركات لا ايرادية.
*ايضا شد عضلات الفكين باليد وهز رأسه
*ايضا ضعف التواصل البصري علشان بيكون متوتر
*وايضا بيصاحبه احمرار الوجه والتلويح باليد والعرق الشديد والارتعاش والضغط على الشفايف 👌
تعليقات
إرسال تعليق