طالبة جامعة سوهاج تتصل بالنجدة لانقاذها من جشع أحد السائقين في موقف الكوامل .. وموقف رجال الشرطة كان مفاجأة !!
طالبة جامعية بسوهاج تتصل بالنجدة لانقاذها من جشع أحد السائقين في موقف الكوامل .. وموقف رجال الشرطة كان مفاجأة !!
جامعة سوهاح
أرسلت لنا احدى طالبات جامعة سوهاج الجديدة بالكوامل برسالة تحكي خلالها تجربتها الصعبة والمفاجئة اليوم السبت مع أحد السائقين بموقف الكوامل جاء فيها ما يلي:
احقاقا للحق حابة اقدم جزيل الشكر
للنقيب / اسلام الحداد
والنقيب/ مصطفي موسي
وشرطة النجدة على سرعة الرد وحسن التعامل مع الشكاوى ، حابة احكى الموقف اللى حصل معايا النهاردة في موقف الكوامل جامعة سوهاج
طبعا النهاردة السبت والجامعة أغلبها بيكون فاضى لان اغلب اللى بينزل السبت ماجستير ودكتوراه فاحنا فضلنا في العربية وهى محملة نص ساعة كاملة عشان السواق مصمم يركب رابع ورا مع إن العربية ١٤ راكب وورا ٣ بس. ومع ان الدنيا اصلا فاضية مفيش ناس خالص صحرا وفى تلت عربات ورا بعض بيحملو مجمع واتنين بيحملو موقف بحرى وفاضيين ولكن مع ذلك السواق مصمم يركب ورا اربعة. فانا اتصلت بالنجدة لان كدا كتيير احنا لينا نص ساعة عشان مستنيين حد رابع ومحدش اصلا راضى يركب رابع وبيروحو يركبو عربيات فاضية. فشكرا جدا للنجدة وللنقيب اسلام والنقيب مصطفى حضراتهم مجرد م قدمت البلاغ تواصلوا معايا ووقفو التلت عربيات حتى اللى كان حمل منهم اربعة ومشي مسكوه لما رجع ودفعوا مخالفات وكمان فضلو على تواصل معانا لحد م وصلنا عشان يطمنو اننا وصلنا بالسلامة واننا ماتعرضناش لمدايقات
بالنسبة بقا للشابين اللى فضلو يقولو على ايه كان زمانا وصلنا و مكنتيش ركبتى من الاول. فاولا انا معملتش حاجة غلط. ثانيا احنا نزلنا عشان تركب انت واصحابك اربعة ورا وحضرتك مرضتش وقولت ازاى نقعد ورا احنا رجالة لا مينفعش
طيب هل حضرتك بنى آدم واحنا كائنات ضغادع مثلا ؟ ولا عشان البنات بيتكسفو يتكلمو؟! هل حضرتك ترتاح على حساب راحتنا احنا يعنى؟! ليه؟!
بالنسبة للبنات لو حصل معاكى موقف زى كدا تقدرى تندهى اى امين شرطة من اللى واقفين عند الكشك او بين العربيات وتبلغيه ان العربية دة بتركب اربعة وهو هيتصرف ولو ماخدش اجراء تقدرى بعد كدا تبلغى النجدة
وخليكو ايجابيين يا جماعة عشان الحوار دا بقى حق مكتسب للسواق انه يركب اربعات بمزاجه
تعليقات
إرسال تعليق